A alcaldesa de Madrid quere que a
cidade dea unha nota ben alta de cara ao turismo internacional e só
permitirá tocar na rúa como medio de recadar unhas moedas a aqueles
que amosen bo dominio musical. Semella unha burla, unha agresión
directa, e un descoñecemento total dos mecanismos que hai detrás da
filosofía de dar o mellor que un ten a cambio da vontade da xente de
ben, para poder seguir enganchado á vida. Máis aló da variedade
cualitativa dos rexistros a fórmula acada a excelencia dentro da
escala de valores humanos. Pero deste asunto sabe pouco unha
alcaldesa instalada permanentemente nunha torre de cristal que de
cando en vez trae á palestra os mandados do seu home, pouco
resignado a non estar na primeira liña de actualidade. A ela, sen
embargo non lle faltaron arrestos nin sentiu vergoña ningunha co seu
desenvolvemento moi por baixo da cualificación mínima esixible
diante do COI no proceso de selección da sede olímpica. Nin cando
suxire que hai que acotar o dereito á folga, ou despreza a
homosexualidade (“no se pueden mezclar peras con manzanas”¿!)...
Ela e a súa familia xa teñen pagado, pola presión social, os cen
mil euros en bonos para recibir clases de golf, pero aínda teñen a
ocorrencia de visitar con abrigo de visón aos limpadores dos
servizos mínimos ou de sacar peito sobre que eles, e só eles,
representan o papel protagonista na historia do progreso “da
humanidade”, cando o certo é que o seu home é culpable de crimes
de lesa humanidade. Namentres, o xefe da Reserva de valores, Rajoy,
xira aínda máis á dereita para conxurar a tentación dos
Esperanzistas e afirma que España non é Uganda. E vai ter razón,
pois aquí medrou máis que no país africano no último ano o índice
sobre a corrupción. Só Siria nos ten superado en 2013 nesa ratio,
na que España ten superado, neste solar administrado pola reserva espiritual de
Occidente, a Guinea, Gambia, Mali e Libia, os seguintes na lista.
Suscribirse a:
Enviar comentarios (Atom)
Libre asociación en Arteixo para celebrar o San Xoan?
¿Vivimos nun Estado democrático? Un grupo de veciños de Arteixo unidos pola súa ideoloxía (materializada nos proxectos de Alternativa dos ...
-
(Ou de como a Política pare monstros) “Asumo esta gran responsabilidade, inviable sen o apoio impagable e sacrificado da miña fam...
-
Só 3 de 70 bispos teñen informado en España á Fiscalía respecto dos abusos á menores por parte de curas das súas dioceses. Esta actitude ...
-
Non só na esfera novelesca é pertinente a ficción. Se ben é certo que, se cadra por unha crise imaxinativa, a liña cultivada polos auto...
No hay comentarios:
Publicar un comentario