Para facer cribles as miñas
explicacións tiven de amosarlles a terra que enchía tres sacos
depositados sobre os asentos traseiros do meu Opel Astra serie F con
matrícula de Oviedo. A cuestión era que, aos ollos dos demais, a
versión dun tipo entrado en anos sacando terra da finca dun parente
ás once da noite para preparar sementeiras no garaxe da súa casa
resultaba pouco convincente, sobre todo nun ámbito rural. E o sangue
na pala? Todo se complicara cando apareceu, tras das silveiras, un
xabarín de setenta quilos ou mais. Unha labazada coa pala nos
fuciños fixo que fuxira entre grandes berros que conseguiron
desasosegar aos veciños do Val de Loureda. Carguei apresurado a
terra no Astra serie F e o demais xa é sabido. Menos mal que levaba
comigo o plano catastral da finca e tódalas documentacións. Así
puiden seguir o meu camiño e chegar á casa cos 120 quilos de terra
ás dúas e media da madrugada. No Carrefour teríame custado dez
euros, pero o que máis me amolaron aínda foron as risas furtivas
dos gardas convertidas en gargalladas cando liscaba de alí.
jueves, 15 de mayo de 2014
POR UN PUÑADO DE TERRA
Cando onte pola noite a Garda Civil me
deu o “alto” en Arteixo e me mandou abrir o maleteiro no meu mp3
soaba, como en tantas ocasións, o allegretto da sinfonía número
tres de Brahms. Puiden ver o reflexo da lúa na pa manchada de sangue
e na culata nacarada da pistola do tenente namentres o cabo me
empurraba contra o capó. Despois dun cacheo nervioso e polo miudo
comezaron as preguntas. Eles recibiran a chamada dun veciño que vira
movementos sospeitosos nunca finca a carón do río.
Suscribirse a:
Enviar comentarios (Atom)
Libre asociación en Arteixo para celebrar o San Xoan?
¿Vivimos nun Estado democrático? Un grupo de veciños de Arteixo unidos pola súa ideoloxía (materializada nos proxectos de Alternativa dos ...
-
(Ou de como a Política pare monstros) “Asumo esta gran responsabilidade, inviable sen o apoio impagable e sacrificado da miña fam...
-
Só 3 de 70 bispos teñen informado en España á Fiscalía respecto dos abusos á menores por parte de curas das súas dioceses. Esta actitude ...
-
Non só na esfera novelesca é pertinente a ficción. Se ben é certo que, se cadra por unha crise imaxinativa, a liña cultivada polos auto...
No hay comentarios:
Publicar un comentario