Agora que a Reforma Laboral colocou aos
traballadores nun plano de flagrante indefensión e de perda de
dereitos, agora que se ten consumado unha involución nas garantías
fronte ao despido improcedente, a explotación, o trato vexatorio, a
imposibilidade de conciliar... chegan os autores materiais da
desfeita, co cu tremendo por medo a que alguén tire da manta e a
merda remate por cubrilos, para aludiren ao trato ao tesoureiro
-¡Bárcenas, cona!- como un capítulo no que todo coidado
escrupuloso e observación da lei eran pouco. E así como a honrada
cúpula do PP inventa un novo xeito de relación empresa-traballador
en virtude da cal a parte contratante “¡paga en diferido”!
Soldos astronómicos e “¡cotiza en diferido”! á Seguridade
Social por el. Se isto se fai cun tipo que chorizou 38 millóns de
euros, boa parte deles procedentes de asignacións públicas, que non
han merecer centos de miles de traballadores que quedaron na rúa por
culpa, por certo, da voráxine depredadora de recursos públicos, das
prácticas nepotistas e do tráfico de influencias por parte mesmo de
Bárcenas, Matas, Urdangarín, Camps, Fabra, Berberá, alcaldes,
responsables do P.E.R. cocainómanos vítimas da plétora e a
egolatría, concellais, presidentes de deputacións, conselleiros
delegados de entidades financieiras, fillos predilectos da nai que os
pariu...
O máis amolante e que Cospedal e
Santamaría, que dan a cara mentres Rajoy se agocha baixo da cama,
insultan a nosa intelixencia creando figuras que non existen
-”cotizacións diferidas para alguén supostamente desvencellado”-
e sinalando co dedo acusador aos partidos que non asinaron no
Parlamento a súa proposta de control da corrupción. Desde cando a
zorra e a máis axeitada para coidar das galiñas?
Pero ben, tomándolle a palabra a
Cospedal ¡que se estenda o exemplo!:
¡PLATAFORMA EN DEFENSA DE SALARIOS E
COTIZACIÓNS DIFERIDAS PARA TÓDOLOS DESPEDIDOS. PLATAFORMA XA!
Mellor hoxe que mañá.
No hay comentarios:
Publicar un comentario