Por algo son o reduto do clientelismo.
O certo é que os Concellos só contribúen cun catro por cento –
do cal a sexta parte se debe ao Concello de Madrid- ao déficit
global do Estado, e iso aínda a pesar de que só reciben un 13% de
recursos mobilizados polo Estado cando, por contra, recadan un 25 %.
Pero Rajoy e o seu Goberno están
dispostos a salvar as covas nepotistas que teñen batido records no
emprego corrupto dos caudais que lles quedan despois de pagar un 50%
en gastos de persoal, e teñen planificado xa acudir a entes opacos
privatizados para prestar servizos externalizados en substitución
aos que agora veñen prestando os funcionarios municipais.
É a puntilla definitiva que pensan
darlle ás corporacións locais uns deputados que non foron elixidos
por sufraxio, senón a dedo polos seus partidos. É o cumio da
partitocracia que ten levado a Baltar pai ou a Aguirre a sentirse por
riba do ben e do mal. Sacarlles o acceso á caixa canto antes a eses
corruptos que teñen construído aeroportos no deserto e empregado a
centos de familiares e amigos pasa por obrigar a Rajoy a recoñecer
que a Xunta e órgano bastante para re distribuír a riqueza. E todo
ilo sen que sexa óbice para que os concellos xunten as súas
fortalezas para constituírense en comarcas que poñen en valor o que
teñen e poden ofrecer de diferente e excelente.
No hay comentarios:
Publicar un comentario